सार्वजनिक हित लक्षात घेता महानगरपालिकेने स्वत: दूषित पाणीपुरवठ्याची जागा शोधण्याची कार्यवाही हाती घेतली आहे. जलवाहिनीतील गळती, दूषित स्रोत शोधण्यासाठी अत्याधुनिक क्राऊलर कॅमे-याचा वापर केला जात आहे. खबरदारीचा उपाय म्हणून परिसरातील सुमारे ५०० घरांमध्ये मिळून २ हजार ६५८ लोकसंख्येचे आरोग्य सर्वेक्षणदेखील करण्यात आले आहे. दरम्य़ान यामध्ये, २ ते ३ नागरिक वगळता अन्य कोणालाही दूषित पाण्यामुळे आरोग्य समस्या आढळल्या नाहीत, असे प्रशासनाने म्हटले आहे,कन्नमवार नगर येथील इमारत क्रमांक १४ व आजूबाजूचा परिसर हा ‘म्हाडा’ अंतर्गत येतो. त्या ठिकाणी अस्तित्त्वात असलेले जलवाहिनीचे जाळे हे ‘म्हाडा’ प्राधिकरणाच्या मालकीचे आहे. पालिकेच्या मुख्य जलवाहिनीमधून म्हाडा प्राधिकरणाच्या अंतर्गत पाणीपुरवठ्यासाठी असलेल्या भूमिगत टाक्यांमध्ये पाणीपुरवठा केला जातो. त्यानंतर परिसरात म्हाडा क्षेत्रात असलेल्या स्वतंत्र इमारतींना ‘म्हाडा’ प्राधिकरणाद्वारे त्यांच्या पाणी वितरण व्यवस्थेद्वारे पुरवठा केला जातो. म्हाडा न्यासाच्या अंतर्गत जलवाहिनीचे जाळे हे ‘म्हाडा’च्या मालकीचे असल्याने त्याचे प्रचलन व परिरक्षण देखील त्यांच्याद्वारे केले जाते. महानगरपालिका प्रशासनाने दूषित पाणी गळतीच्या नेमक्या ठिकाणाचा शोध घेण्याचे काम हाती घेतले आहे. जलवाहिनीतील गळती, दूषित स्रोत शोधण्यासाठी अत्याधुनिक क्राऊलर कॅमेऱयाचा वापर केला जातो आहे. त्यामुळे ही कामे देखील हाती घेण्यात आली आहेत.
दूषित पाणी इमारतींमध्ये घेतले पाण्याचे नमुने –
दूषित पाणीपुरवठा होत असलेल्या इमारतीतील पाण्याचे नमुने घेण्यात आले असून महानगरपालिकेच्या प्रयोगशाळेत तपासणीसाठी पाठविण्यात आले आहेत. त्यावर प्राप्त होणाऱया अहवालानुसार पुढील योग्य ती प्रशासकीय कार्यवाही करण्यात येणार आहे. तसेच कन्नमवार नगर येथील स्थानिक नागरिकांच्या आरोग्याकडे सातत्याने लक्ष ठेवण्यात येत आहे, असे बृहन्मुंबई महानगरपालिका प्रशासनातर्फे स्पष्ट करण्यात येत आहे.